Өзара ынтымақтастық перспективалары

   Бүгін «Ауыл шаруашылығы аэрофотогеодезиялық іздестіру мемлекеттік институты» РМК мен «Жерлерді зерттеп - қарау жұмыстарын жүргізу мемлекеттік институты» РМК арасында кездесу өтті. Бұл кездесу екі ұйым үшін маңызды оқиғаға айналды.
    Кәсіпорын директоры Нұрбол Салыбеков,  Жанар Қабдұлсағатқызына кәсіпорынның  ішкі жұмыс барысын, тарихқа айналған жәдігерлерге толы музейін, сонымен қатар цифрлық ауыл шаруашылығы карталарын жасау барысы және кезеңдерімен таныстырды.
Кездесудің негізгі мақсаты:
- алдағы уақыттағы серіктестік жайын талқылау:  екі ұйым арасында ақпарат алмасу және жер ресурстарының жағдайын зерттеу бойынша бірлескен жобалар мен бағдарламалар жасау жолдарын қарастыру;
- ауыл шаруашылығы жерлерін цифрландыру жұмысына талдау жасау:  Жанар Қабдұлсағатқызы кәсіпорында жүзеге асырылып  жатқан соңғы жобалар мен олардың нәтижелеріне және цифрлық ауыл шаруашылығы карталарын жасауда қолданылатын озық технологияларды өз жұмыстарында да пайдалану мүмкіндіктеріне қызығушылық білдірді;
- мамандардың біліктілігін арттыру: талқыға түскен тағы бір  маңызды тақырып  кадрлардың біліктілігін арттыруға деген қажеттілік, бұл екі ұйым үшін де маңызды міндеттердің бірі болып табылады;
    Нұрбол Салыбеков білім интеграциясы мен кәсіпорындар арасындағы тәжірибе алмасудың маңызын атап айтты. АШАІМИ және ЖерЗЖМИ орнатқан байланыстың беріктігі тек  тәжірибе мен білім алмасу үшін ғана емес, екі кәсіпорын алдында тұрған өзекті мәселелердің шешімін табу үшін де маңызға ие.