2026 жылғы 13 маусымда БҰҰ-ның Шөлейттенуге қарсы күрес жөніндегі конвенциясы (UNCCD) аясындағы халықаралық «Жібек жолы керуенінің» (Silk Road Caravan) қатысушылары Қазақстанға келіп, «АШАІМИ» РМК қызметімен танысты.
Италия, Германия, Моңғолия және басқа да елдерден келген қонақтар кәсіпорынның қызметі туралы кеңірек ақпарат алып, мекеменің мұражайын аралады.
Сондай-ақ қонақтар «Қазақстандағы Ұлы Жібек жолы бойынша саяхаттың» жабылу салтанатына қатысты. Іс-шара барысында әртүрлі елдердің өкілдері баяндама жасады.
АШАІМИ директоры Нұрбол Салыбеков өз баяндамасында шөлейттену мен жайылым деградациясы климаттың өзгеруі, су тапшылығы және антропогендік қысыммен байланысты жаһандық проблема екенін атап өтіп, оны шешуде халықаралық ынтымақтастықтың маңызына ерекше тоқталды.
Баяндаманың негізгі өзегі – цифрлық агро-геоақпараттық карталар болды. Нұрбол Нұрлыбекұлының айтуынша, бұл карталар жердің нақты жағдайын бағалауға, өзгерістерді бақылауға, тәуекелдерді болжауға және тиімді басқаруға мүмкіндік береді.
«АШАІМИ» РМК ауыл шаруашылығы жерлерін цифрландыруды дамытып, жер қоры туралы толық кеңістіктік деректер беретін цифрлық карталар жүйесін қалыптастырып келеді. Ол жер кадастры, мониторинг және жерді басқару сияқты мемлекеттік міндеттерді жүзеге асыруға негіз болады.
«Жібек жолы керуенінің» Қазақстанға келуі тамыз айында Ұлан-Баторда өтетін БҰҰ-ның Шөлейттенуге қарсы күрес жөніндегі конвенциясы (COP17) қарсаңында халықаралық ынтымақтастықты нығайта түсті.
АШАІМИ Қызылорда, Ақмола, Солтүстік Қазақстан және Ұлытау облыстарының аумағында далалық дешифрлеу жұмыстарын аяқтады.
Дешифрлеу – цифрлық ауыл шаруашылығы карталарын жаңартудың негізгі кезеңдерінің бірі. Ол Жерді қашықтықтан зондтау материалдарында бейнеленген объектілерді анықтауды, тануды және олардың сипаттамаларын айқындауды қамтиды.
Республика күні қарсаңында ауыл шаруашылығын дамытуға сіңірген еңбегі үшін бірқатар сала маманы Қазақстан Республикасы Президентінің Жарлығымен мемлекеттік наградаларға ие болды. Марапаттарды Қазақстан Республикасының Ауыл шаруашылығы министрі Айдарбек Сапаров салтанатты түрде табыстады.
Марапат иелерінің қатарында «Ауыл шаруашылығы аэрофотогеодезиялық іздестіру мемлекеттік институты (АШАІМИ)» республикалық мемлекеттік кәсіпорнының техникалық бақылау басқармасының бас инспекторы Маратхан Дуванович Дюсенгулов та бар. Әріптесіміз «Ерен еңбегі үшін» медалімен марапатталды.
Кәсіпорын директоры Нұрбол Нұрлыбекұлы Салыбеков ұжымды ұлттық мерекемен құттықтады.
«Құрметті әріптестер! Баршаңызды еліміздің ең қастерлі мерекелерінің бірі – Республика күнімен шын жүректен құттықтаймын!
25 қазан – халқымыздың тарихи таңдауын айшықтайтын, елдігіміз бен егемендігіміздің негізін қалаған маңызды күн. 1990 жылы қабылданған Мемлекеттік егемендік туралы декларация Қазақстанның тәуелсіз мемлекет ретінде қалыптасуына жол ашып, ел дамуының жаңа кезеңіне бастау болды.
Мұндай басқосу елдің өзекті мәселелерін талқылауға, азаматтардың ұсыныс-пікірлерін тыңдауға, сондай-ақ ауылдық аумақтарды дамыту, еңбек адамын қолдау және отандық өндірісті нығайту бағытындағы бастамалармен танысуға мүмкіндік береді.
Бүгін «АШАІМИ» РМК ұжымы үшін ерекше әрі қуанышты күн болды. Кәсіпорынның 90 жылдық мерейтойы аясында өткен «Ашық геодеректер және ауыл шаруашылығының цифрлық карталары: жер ресурстарын басқарудың жаңа мүмкіндіктері» тақырыбындағы халықаралық ғылыми-тәжірибелік конференцияны ұйымдастыруға елеулі үлес қосқан қызметкерлерді кәсіпорын директоры Салыбеков Нұрбол Нұрлыбекұлы Алғыс хатпен марапаттады.
Тоқсан жылдық тарихында АШАІМИ еліміздің жер ресурстарын басқару, геодезия, картография және геоақпараттық технологиялар саласында өзіндік орны бар іргелі кәсіпорынға айналды. Бұл жетістік – әр кезеңде мекеменің дамуына үлес қосқан бірнеше буын өкілдерінің адал еңбегі мен көп жылдық тәжірибесінің жемісі.
