Кәсіпорын директоры Нұрбол Нұрлыбекұлы Салыбеков ұжымды ұлттық мерекемен құттықтады.
«Құрметті әріптестер! Баршаңызды еліміздің ең қастерлі мерекелерінің бірі – Республика күнімен шын жүректен құттықтаймын!
25 қазан – халқымыздың тарихи таңдауын айшықтайтын, елдігіміз бен егемендігіміздің негізін қалаған маңызды күн. 1990 жылы қабылданған Мемлекеттік егемендік туралы декларация Қазақстанның тәуелсіз мемлекет ретінде қалыптасуына жол ашып, ел дамуының жаңа кезеңіне бастау болды.
Бүгінде Қазақстан – өз даму бағытын айқындаған, болашаққа нық қадам басқан тәуелсіз мемлекет. Еліміздің жетістігі – халқымыздың бірлігі мен ынтымағының, адал еңбегі мен ортақ мақсатқа деген жауапкершілігінің нәтижесі.
Құрметті әріптестер, біздің Кәсіпорнымыз да жер ресурстарын тиімді басқаруға, ауыл шаруашылығы саласын дамытуға, ауыл шаруашылығы картографиясы бағытындағы маңызды міндеттерді жүзеге асыруға өз үлесін қосып келеді. Кәсіпорынның әрбір жетістігінің артында сіздердің кәсіби біліктіліктеріңіз, жауапкершіліктеріңіз және күнделікті адал еңбектеріңіз тұр.
Осы орайда ортақ іске қосып жүрген үлестеріңіз бен атқарып отырған еңбектеріңіз үшін баршаңызға шынайы алғысымды білдіремін. Алдағы уақытта да бірлігімізді сақтап, алдымызға қойылған міндеттерді абыроймен орындап, Кәсіпорнымыздың дамуына бірге үлес қоса береміз деп сенемін.
Осы айтулы мерекеде әрқайсыңызға зор денсаулық, отбасыларыңызға амандық пен бақ-береке, еңбектеріңізге табыс, бастамаларыңызға сәттілік тілеймін!
Еліміз аман, жұртымыз тыныш, тәуелсіздігіміз тұғырлы, бірлігіміз бекем болсын! Қазақстанымыз өркендеп, халқымыздың әл-ауқаты арта берсін!
Республика күні құтты болсын, құрметті әріптестер!», – деді кәсіпорын директоры Нұрбол Салыбеков.
Мұндай басқосу елдің өзекті мәселелерін талқылауға, азаматтардың ұсыныс-пікірлерін тыңдауға, сондай-ақ ауылдық аумақтарды дамыту, еңбек адамын қолдау және отандық өндірісті нығайту бағытындағы бастамалармен танысуға мүмкіндік береді.
Бүгін «АШАІМИ» РМК ұжымы үшін ерекше әрі қуанышты күн болды. Кәсіпорынның 90 жылдық мерейтойы аясында өткен «Ашық геодеректер және ауыл шаруашылығының цифрлық карталары: жер ресурстарын басқарудың жаңа мүмкіндіктері» тақырыбындағы халықаралық ғылыми-тәжірибелік конференцияны ұйымдастыруға елеулі үлес қосқан қызметкерлерді кәсіпорын директоры Салыбеков Нұрбол Нұрлыбекұлы Алғыс хатпен марапаттады.
Тоқсан жылдық тарихында АШАІМИ еліміздің жер ресурстарын басқару, геодезия, картография және геоақпараттық технологиялар саласында өзіндік орны бар іргелі кәсіпорынға айналды. Бұл жетістік – әр кезеңде мекеменің дамуына үлес қосқан бірнеше буын өкілдерінің адал еңбегі мен көп жылдық тәжірибесінің жемісі.
Бүгін АШАІМИ-дің 90 жылдығына арналған халықаралық ғылыми-тәжірибелік конференция өтті. Іс-шараға мемлекеттік органдардың, квазимемлекеттік ұйымдардың, ғылыми қауымдастықтың өкілдері мен халықаралық серіктестер қатысты. Конференция барысында геодезия, картография, жер ресурстарын басқару және ауыл шаруашылығын цифрландыру салаларындағы өзекті мәселелер талқыланды.
Кәсіпорын директоры Нұрбол Салыбеков АШАІМИ-дің 90 жылдық тарихының маңызына ерекше тоқталды: «Тоқсан жыл – жай ғана мерейтой емес. Бұл – бірнеше буын мамандарының қажырлы еңбегі мен кәсіби біліктілігінің, үздіксіз ізденіс пен дамудың шежіресі. Осы жылдар ішінде кәсіпорын еліміздің жер ресурстарын зерттеу, есепке алу, мониторинг жүргізу және картографиялау саласының қалыптасуы мен дамуына қомақты үлес қосты. Осы ретте кәсіпорынның ардагерлері мен бұрынғы басшыларына ерекше алғысымды білдіремін. Сіздердің кәсібиліктеріңіз, көрегендіктеріңіз және өз ісіңізге деген адалдықтарыңыздың арқасында бүгінгі жетістіктеріміздің берік іргетасы қаланды.
