АШАІМИ қызметкерлерінің сыбайлас жемқорлыққа қарсы қызмет саласындағы сарапшылармен кездесуі: сыбайлас жемқорлыққа қарсы күрес басымдық ретінде

    Бүгін «АШАІМИ» РМК-да сыбайлас жемқорлық тәуекелдерін талдау, сыбайлас жемқорлыққа қарсы іс-қимыл туралы заңнаманың талаптарын сақтау мәселелері бойынша түсіндіру және оқыту іс-шаралары аясында ҚР Сыбайлас жемқорлыққа қарсы іс-қимыл агенттігінің бұрынғы төрағасы, «Ұлттық сыбайлас жемқорлыққа қарсы желі» қоғамдық ұйымының басшысы – Шпекбаев Алик Жатқамбайұлы және ҚР Сыбайлас жемқорлыққа қарсы іс-қимыл агенттігінің Алматы қаласы бойынша департаменті басшысының бірінші орынбасары – Ғалымов Жарқын Сайлауұлының қатысуымен кездесу өтті.
    Аталмыш кездесуге ҚР Ауыл шаруашылығы министрлігі Жер ресурстарын басқару комитетінің «Ауыл шаруашылығы аэрофотогеодезиялық іздестіру мемлекеттік институты (АШАІМИ)» РМК басшылығы мен қызметкерлері қатысты.