Қазақстан халқының бірлігі күні қарсаңында «АШАІМИ» республикалық мемлекеттік кәсіпорнында мерекелік іс-шара ұйымдастырылды. Бұл күн – ел ішіндегі татулық пен өзара сыйластықтың, көпұлтты қоғамдағы келісім мен тұрақтылықтың айқын көрінісі.
Іс-шара барысында кәсіпорын басшысы Салыбеков Нұрбол Нұрлыбекұлы ұжым қызметкерлерін мерекемен құттықтап, ізгі тілегін білдірді:
«Бұл мереке – бір шаңырақ астында тату-тәтті өмір сүріп жатқан 130-дан астам ұлт пен ұлыс өкілдерінің өзара сыйластығы мен келісімінің, бейбітшілік пен достықтың жарқын көрінісі. Біздің ұжымда да 5 ұлттың өкілдері еңбек етеді. Тіліміз бөлек, дәстүріміз әртүрлі болғанымен, бізді өзара құрмет, түсіністік және ортақ мақсат сияқты құндылықтар біріктіреді. Осы ұстанымдардың арқасында ұжымымыз әрдайым бірлігі жарасқан, ынтымағы берік, ұйымшыл орта ретінде қалыптасып келеді.
Сіздерге адал еңбектеріңіз, ортақ іске қосқан үлестеріңіз, ұжымдағы сенім мен сыйластық үшін шынайы алғысымды білдіремін», – деді ол.
Мерекелік жиын «Бірлік түбі – береке» екенін тағы бір мәрте айқындап, татулық пен өзара құрметтің маңызын тереңірек сезінуге мүмкіндік берді. Мұндай игі шаралар ұжымның ұйымшылдығын арттырып, ынтымағын нығайта түсетіні сөзсіз.
Бүгін «АШАІМИ» ұжымында ерекше әсерге толы, тағылымы мол жиын өтті. Геодезия және картография саласына қырық жылдан астам ғұмырын арнаған қадірлі қызметкер Елена Анатольевна Новосельцева зейнеткерлік демалысқа шықты.
Елена Анатольевна еңбек жолын 1982 жылы бастап, содан бері өз ісіне адалдығы мен кәсіби біліктілігінің арқасында зор абыройға ие болған білікті маман ретінде танылды. Соңғы жылдары институт ұжымында қызмет етіп, ортақ мақсат жолында елеулі үлес қосты.
Бүгін АШАІМИ-де Жаңару күні аясында кәсіпорынның даму бағыттарына арналған дөңгелек үстел өтті. Жиында өндірістік үдерістерді жетілдіру және корпоративтік мәдениетті нығайту мәселелері жан-жақты талқыланды.
Іс-шара барысында қызметкерлердің ұсыныстары мен тәжірибесі көптеген шешімдерге негіз болғаны атап өтілді. Өзгерістердің басты мақсаты – технологиялық үдерістерді тиімді ету, еңбек өнімділігін арттыру, ашықтық пен жұмыс сапасын жақсарту.
Ұлттық киім – халқымыздың тарихы мен мәдениетінен сыр шертетін, ұрпақтан-ұрпаққа жалғасқан асыл мұра. Ол – ата-бабамыздың биік талғамы мен рухани болмысын танытатын ерекше құндылық.
АШАІМИ ұжымы да бұл күнді назардан тыс қалдырмай, түгелдей ұлттық нақышта киініп келіп, дәстүрге деген үлкен құрметін көрсетті.
Биыл ортофотожоспардағы ауыл шаруашылығы контурлары мен объектілерінің далалық шифрларын ашу жұмыстары Қызылорда, Ақмола, Солтүстік Қазақстан мен Ұлытау облыстарының аумақтарында жүргізіледі. Негізгі мақсат – цифрлық ауыл шаруашылығы карталарын жаңарту.
