АШАІМИ Тәуелсіз Мемлекеттер Достастығы (ТМД) құрамындағы елдердің геодезия, картография, кадастр және жерді қашықтықтан зондтау жөніндегі Мемлекетаралық Кеңесінің XLVI сессиясына қатысты

Осы апта Алматы қаласы, Достық үйінде геодезия, картография, кадастр және жерді қашықтықтан зондтау жөніндегі Мемлекетаралық кеңестің 46-шы отырысы өтті.
Іс-шарада ТМД Бас хатшысының орынбасары және Мемлекетаралық Кеңесінің мүшелері: Армения, Әзірбайжан, Беларусь, Қазақстан, Қырғызстан, Өзбекстан, Тәжікстан, Түркіменстан республикалары мен Ресей Федерациясынан 100-ден астам жоғарыда аталған сала көшбасшылары мен сарапшылары және жеке кәсіпкелер бой көрсетті.
Ал, Ауыл шаруашылығы аэрофотогеодезия іздестіру мемлекеттік институты атынан кәсіпорын директоры Салыбеков Нұрбол Нұрлыбекұлы мен кәсіпорынның бірнеше қызметкерлеріде қатысты.
Кеңестің басты мақсаты геокеңістіктік деректер үшін стандарттардың бірлігін қамтамасыз ету, бірлескен бағдарламаларды әзірлеу, тәжірибе алмасу және мамандарды оқытуды ұйымдастыру болды.
Мемлекетаралық кеңес – аталмыш салалар бойынша қызмет көрсетететін ұйымдар арасындағы ынтымақтастықты дамытатын, өзара тәжірибе мен жаңа қоғамның цифровизациялық ерекшеліктері жайлы тың ақпараттар алмасатын, күнделікті жұмыс барысын талқылап жаңа шешімдер шығаратын, таптырмас алаң.