АӨК департаменті директорының жұмыс сапары: ашық цифрлық ауыл шаруашылығы картасын енгізу

ҚР Ауыл шаруашылығы министрлігі Мемлекеттік көрсетілетін қызметтерді дамыту және АӨК-ні цифрландыру департаментінің директоры Бернат Қанатұлы Алпысбеков АШАІМИ-ге жұмыс сапарымен келді.
Сапар барысында ашық (жария) цифрлық ауыл шаруашылығы картасының жобасы көрсетілді, сондай-ақ оны енгізу тәсілдеріне жан-жақты талдау жүргізілді.  
Кездесуге қатысушылар картаны - ауыл шаруашылығы алқаптары, олардың жай-күйі мен пайдаланылуы туралы өзекті деректерге жедел қол жеткізу, ауыл шаруашылығы жерлерін беру процестерінің ашықтығын қамтамасыз ету, сондай-ақ жердің жай-күйіне мониторинг жүргізу және ауыл шаруашылығы қызметінің салдарын бағалау үшін пайдалану мүмкіндіктерін талқылады.
Кездесу нәтижесінде жобаны одан әрі дамыту бойынша ұсыныстар әзірленді. Кездесуге қатысушылар ашық цифрлық ауыл шаруашылығы карталары аграрлық сектордың маңызды құралына айналатынына сенім білдірді.