90 жылдық қарсаңындағы кездесу

    2026 жылы кәсіпорынның құрылғанына 90 жыл толуы атап өтілетін маңызды оқиға қарсаңында АШАІМИ-де түрлі ұрпақ өкілдері: саланың көрнекті ардагерлері - Асылмұрат Тұрғанбекұлы Тұрғанбеков, Александр Павлович Сизов, кәсіпорын ардагерлері, жұмыс істеп жүрген қызметкерлер мен қазіргі таңдағы жас мамандардың басын біріктірген дөңгелек үстел өтті.
    Бұл іс-шара мерейтойға дайындық жолындағы алғашқы маңызды қадам болды. Онда ашық диалог, естеліктер, пікірталастар болды және болашаққа шабыттандыратын жоспарлар кеңінен талқыланды.
    Кәсіпорын директоры Нұрбол Салыбеков:
 «Мерейтой – айтулы күн ғана емес, сонымен қатар сабақтастық, тұрақтылық пен дамудың символы. Бір ғасырға жуық тарихында  кәсіпорнымыз қалыптасудың алғашқы қадамдарынан бүгінгі таңдағы - саланың мойындалған көшбасшысы мәртебесіне дейінгі жолдан өтті. Осының бәрі жұмыскерлердің көптеген ұрпақтарының еңбегі мен жанқиярлығының  арқасында мүмкін болды. Бүгінгі кездесу – тек мерейтойға дайындық қана емес, бұл біздің түп-тамырымыз туралы ойлануымызға, бастауында тұрғандарды еске алуымызға және алға ұмтылғандарға ризашылығымызды білдіруімізге себеп те болды. Біз өз тарихымызды мақтан тұтамыз, сонымен қатар болашаққа деген сеніміміз де өте маңызды. Тәжірибе мен дәстүрді құрметтеп, ұрпақтар арасындағы сабақтастықты сақтай отырып біз дамимыз. Және біз бәріміз күш біріктірсек қана АШАІМИ-дің бірегейлігін сақтап, оның жетістіктерін арттыра аламыз"- деп атап өтті.
    Ардагерлер АШАІМИ-дің дамуы туралы естеліктерімен, ал жас мамандар болса тарихи мұраны сақтау, соның ішінде естеліктер мұрағатын құру, мұражай көрмесін жаңарту, мерейтойлық кітап шығару бойынша өз ұсыныстарымен бөлісті.
Кездесуде қатысушылар ұрпақтар сабақтастығы тұрақты дамудың негізі екенін айтып, дәстүрлер мен инновацияларды үйлестіре алғанда ғана одан әрі өсу мүмкін деп тұжырымдады.
Дөңгелек үстел өткенге деген құрмет қана емес, болашаққа жасалған қадам болды. Алда – үлкен жұмыс, алайда мерейтой ғажайып салтанатты сәт болуымен қатар жаңа мақсаттар мен ілгері жылжуға түрткі болатыны қазірдің өзінде де айқын болып отыр. 
    Шынайы ықыласы, жылы лебізі мен болашақты бірге құруға дайындығы үшін кездесуге қатысушылардың барлығына алғысымды білдіремін!