АШАІМИ мен «Ауыл» халықтық-демократиялық патриоттық партиясының Алматы өңірлік филиалының бірлескен жұмысы аясында келесі өзекті мәселелер талқыланды:

1) ашық пайдаланудағы ауыл шаруашылығы карталарын жасау;

2) ауыл шаруашылығы мақсатындағы жерлердегі агроорман-мелиорациялық екпелерді (қорғаныс орман белдеулерін) түгендеу;

3) мемлекеттік жер кадастрының мақсаттары үшін жер учаскелері контурларының аудандарын есептеу;

4) ауыл шаруашылығы айналымына тартылған ауыл шаруашылығы алқаптарына түгендеу жүргізу;

5) облыстар бөлінісінде ауыл шаруашылығы алқаптарының атласын құру;

6) орман картасын, оның ішінде:

орман дақылдары, күйген және қураған учаскелер, сондай-ақ дауыл құлатқан ағаштар мен кесілген орман;

бұталар, бұташықтар және басқа бұталы өсімдіктер;

қорғаныс орман алқаптары және орман алқаптарының басқа типтері;

су ағындары бойындағы және жағалау аймақтарындағы орман екпелері;

құмды топырақтағы орман белдеулері, орман тәлімбақтары, саябақтар мен орманшылардың мекені;

жеке өскен ағаштар және сексеуіл мен жатағандар тобы;

суару желісіне байланысты немесе суармалы ормандар мен бұталардың элементтері;

сулы-батпақты ормандар мен бұталар, сондай-ақ орманды аймақтағы соқпақтар мен жолдар;

және тағы басқалар көрсетілген карта жасау.

«Ауыл» ХДПП Алматы өңірлік филиалының төрағасы Ахметбек Қоңырбаев осы бастамаларды іске асыруда қолдау көрсетіп, ынтымақтастыққа дайын екенін білдірді.