Ауыл шаруашылығы аэрофотогеодезиялық іздестіру мемлекеттік институты

     2025 жылға арналған ауыл шаруашылығын картографиялау жұмыстарының сапасы мен толықтығын қамтамасыз ету мақсатында ведомстволық бағынысты ұйымдардың жұмыс (қызмет) сапасын бақылау жөніндегі комиссиясы Жер ресурстарын басқару комитеті төрағасының орынбасары Д. Бижановтың қатысуымен орындалған жұмыстардың нәтижелеріне тексеру жүргізді.

     Бүгін АШАІМИ қадірлі қонақтарды – кәсіпорынның ардагерлері: Бешенцев Николай Степанович (1967–2009 жылдар аралығында еңбек еткен) және Пляшешников Александр Дмитриевичті (1973–2014 жылдар аралығында жұмыс істеген) қарсы алды. Олардың еңбек жолы, сонау 1960–1970 жылдары басталып, қырық жылдан астам уақытқа созылып, кәсіпорын тарихының маңызды бөлігіне айналды.
     Олардың келуі әр буын әріптестерімен жылы жүздесу ғана емес, сонымен бірге өткен мен бүгіннің арасындағы алтын көпірге айналды. Олардың еңбек еткен уақытынан бері кәсіпорын едәуір өзгерді: жабдық жаңартылды, заманауи технологиялар енгізіліп, қызмет бағыттары кеңейді.

«Сыбайлас жемқорлыққа қарсы іс-қимыл туралы» 2015 жылғы 18 қарашадағы Қазақстан Республикасының Заңына, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы № 12 бұйрығымен бекітілген сыбайлас жемқорлық тәуекелдеріне ішкі талдау жүргізудің үлгілік қағидаларына және Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Төрағасының 2022 жылғы 30 желтоқсандағы № 488 бұйрығымен бекітілген сыбайлас жемқорлық тәуекелдеріне ішкі талдау жүргізу жөніндегі әдістемелік ұсынымдарға сәйкес, 2025 жылғы 8 желтоқсанда сағат 11.00-де Алматы қаласы, Манас көшесі, 42/56, 2 қабат, конференц-зал мекенжайы бойынша «АШАІМИ» РМК қызметіндегі сыбайлас жемқорлық тәуекелдерін ішкі талдау нәтижелерін жария талқылау өтеді.