Дәуренбаев Амангелді Айдарұлы 1967 жылы 31 шілдеде Алматы облысында дүниеге келген. Алматы зооветеринарлық институтын "Зоотехния" мамандығы бойынша, Қазақ ұлттық аграрлық университетін "Мемлекеттік және жергілікті басқару"мамандығы бойынша бітірген. Еңбек жолын Дәуренбаев Амангелді Айдарұлы 1991 жылы Ұзынағаш ауданы совхозында зоотехник болып бастаған. 1999-2000 жылдары Қазақстан Республикасы Ауыл шаруашылығы министрлігінің Жамбыл ауданы бойынша аумақтық басқармасының бас маманы болып жұмыс істеді. 2000-2003 жылдары Жамбыл ауданы ауыл шаруашылығы департаментінің өндірістік бөлімінің бастығы және 2003 жылы Қарасу ауылдық округінің әкімі болып жұмыс істеді. 2007 жылы Қарасай ауданының ауыл шаруашылығы бөлімінің бастығы, 2009 жылы Райымбек ауылдық округінің әкімі, 2010 жылы Талдықорған қаласының Ұлттық компаниясы, "Жетісу" әлеуметтік-кәсіпкерлік корпорациясы акционерлік қоғамының агроөнеркәсіптік кешен департаментінің бас менеджері және 2011 жылы Көксу ауданының Кабулис ауылдық округінің әкімі болып жұмыс істеді. 2011 жылы Алматы облысы әкімдігі аппаратының қаржы-шаруашылық бөлімінің меңгерушісі және Алматы облысы әкімі аппараты басшысының орынбасары болып жұмыс істеді. 2011-2016 жылдары Алматы облысы Қарасай ауданының әкімі болып жұмыс істеді. 2016 жылдан 2021 жылға дейін Қазақстан Республикасы Парламенті Мәжілісінің депутаты. 2022 жылғы шілдеден бастап Қазақстан Республикасы Ауыл шаруашылығы министрлігі Жер ресурстарын басқару комитетінің "мемлекеттік ауыл шаруашылығы аэрофотогеодезиялық ізденістер институты (ГИСХАГИ)" шаруашылық жүргізу құқығындағы республикалық мемлекеттік кәсіпорны директорының орынбасары. "Құрмет" орденімен марапатталған.