Цифрлық ауыл шаруашылығы карталарын жасаудың өндірістік процесінде шығарылатын өнімнің сапасын бақылауға ерекше рөл беріледі. Бұл іс-шара өндірістік тізбектің буыны болып табылады, оның маңыздылығын бағалай білу керек.
Геодезиялық, топографиялық және картографиялық жұмыстарды бақылау және қабылдау тәртібі туралы нұсқаулық талаптарына сүйене отырып, техникалық бақылау басқармасы (ТББ) – кәсіпорын мен тапсырыс беруші – ҚР АШМ Жер ресурстарын басқару комитеті арасындағы байланыстырушы элемент өндірістік процестің барлық сатыларында: ғарыштық түсіру материалдарын алу кезеңінен бастап түпкілікті өнім – цифрлық ауыл шаруашылығы карталарын шығаруға дейін сапаға қатаң бақылау жүргізеді.
Есептік 2023 жылы мемлекеттік тапсырма аясында ТББ келесі көлемде орындалған жұмыстарды бақылау және қабылдауды жүзеге асырды:
– ауыл шаруашылық картографиялау үшін ғарыштық түсіру 53 404 мың га көлемінде;
– шырамыту белгілерін жоспарлы-биіктіктік байланыстыру – 2 826 бірлік;
– масштабы 1:10 000 және 1:25 000 ортофотопландар дайындау 53 404 мың га көлемінде;
– 1:10 000 және 1:25 000 масштабтарында ауыл шаруашылығы шифрларын ашу 43 230,1 мың га көлемінде;
– масштабы 1:10 000 және 1:25 000 цифрлық ауыл шаруашылығы карталарын жасау 68 812,0 мың га көлемінде.
Техникалық
бақылау басқармасы картаның әрбір номенклатуралық парағы үшін технологияның
толықтығына, дұрыстығына, дәлдігіне, сақталуына кепілдік береді.